
तुलसीपुर, फागुन ८

तुलसीपुर उपमहानगरपालिका वडा नं ६ स्थित खुल्ला मैदानमा माघ २४ गते देखि सन्चालन भैरहेको तुलसीपुर महोत्सव २०८० ४ दिन थप गरिएको भन्ने सूचना झुटो रहेको आयोजकले जनाएको छ ।

स्थानीय वस्तु प्रवद्र्धन,समृद्ध नेपाल निर्माण हाम्रो अभियान भन्ने मूल नारा सहित यहि माघ २४ गते देखि तुलसीपुर उद्योग वाणिज्य संघ ले तुलसीपुर ६ घोराही रोड, ऊँ शान्ति सिनेमा हलको पूर्वतर्फको खुल्ला मैदान मा महोत्सव आयोजना गरेको थियो । महोत्सव आज फागुन ८ गते समापन हुन लागेको आयोजक ले जानकारी दिएको छ ।
विभिन्न समाचारगृह तथा रुटिङ को नाम दिएर खोलिएका सामाजिक सञ्जालका पेजहरुले महोेत्सव ४ दिन थप गरिएको भन्ने सूचना सम्प्रेषण गरेकोमा आयोजकले झुटो सूचनामा विश्वास नगर्न भनेको छ ।
