हलवार,फागुन ६
तुलसीपुर उपमहानगरपालिका वडा नं ४ र ७ को सिमानामा स्थित कालिका मालिका मन्दिर पुजा व्यवस्थापन समितिको समिक्षा बैठक आज फागुन ६ गते विभिन्न बिषय माथि छलफल गर्दै सम्पन्न भएको छ ।
कालिका मालिका मन्दिर पुजा व्यवस्थापन समितिको अध्यक्ष श्रवण कुमार आचार्यको अध्यक्षतामा सम्पन्न बैठकले भर्खरै माघ १३ गते देखि माघ २० गते सम्म तुलसीपुरको अरनिको मैदानमा सम्पन्न ज्ञान विज्ञान महायज्ञमा विभिन्न माध्यमबाट सहयोग गर्नुहुने सहयोगी दाताहरुलाई धन्यवाद ज्ञापन तथा आभार प्रकट गरेको छ ।
यस समिक्षा बैठकले मन्दिरको आ.व २०७९/०८० को आषाढ मसान्त सम्मको सम्पूर्ण खर्च अनुमोदन गरेको हो । शिलालेख लेखन, ग्रील झ्याल फिटिङ लगायत अन्य शिर्षकमा भएको खर्चलाइ अनुमोदन गरिएको हो ।
यस्तै आजको बैठकबाटै समितिमा रिक्त रहेको पदहरुको परिपुर्ती समेत गरिएको छ जसमध्ये सल्लाहकारहरुमा : वडा नं ४ का वडा अध्यक्ष तुलसी थापा, वडा नं ७ का वडा अध्यक्ष राम बहादुर जि.सी, प्रेम खनाल, टोप व.खड्का, टोपलाल भुसाल,उपेन्द्र पौडेल, गेहेन्द्र नेपाली रहने गरी सल्लाहकार समिति गठन गरिएको छ भने सदस्यहरुमा गगन राना, चिरञ्जिवि रेग्मी, शंकर चौधरी,गणेश बस्नेतलाइ थप गरिएको छ ।
बैठकमा श्रद्धालु भक्तजन, समाजसेवी,बुद्धिजीवी लगायतको उपस्थिती रहेको थियो ।
यस समिक्षा बैठकको सहजिकरण कालिका मालिका मन्दिर पुजा व्यवस्थापन समितीका सचिव कृष्ण प्रसाद आचार्यले गर्नुभएको समाजसेवी उपेन्द्र पौडेलले CNTPress लाइ जानकारी दिनुभयो ।
तुलसीपुर उपमहानगरपालिका वडा नं ४ र ७ को सिमानामा पर्ने कालिका मालिका मन्दिर मानव सेवा आश्रमको भवन निर्माणास्थल पनि हो ।
