दाङ,६ फागुन।
तुलसीपुर-१९ निवासी प्रतिमा रेग्मी पोख्रेल मृत अवस्थामा फेला पर्नुभएको छ । तुलसीपुर उपमहानगरपालिका वडा नम्बर १९ बाँसगढी घर भई हाल चन्द्रागिरी नगरपालिका वडा नम्बर १० सतुंगल धौलागिरी आवासमा बस्दै आएकी पोख्रेल आफ्नै निबासबाट दुई साता अघि बेपत्ता हुनुभएको थियो ।
उहाँ चिन्तारोगबाट ग्रसित भएकोले नियमित उपचार भइरहेकोे परिवारले जनाएको थियो । सोमबार बेलुका सवा सात बजेतिर घरबाट निस्किएपछि उहाँ बेपत्ता हुनुभएको थियो।
बेपत्ता भएको १३ दिनपछि आज (आईतबार) गोर्खा जिल्लामा प्रतिमा रेग्मी पोख्रेल मृत अवस्थामा भेटिएको परिवारका सदस्य विनयकुमार पोखरेलले जानकारी दिनुभयो । पारिवारीक श्रोतका अनुसार उहाँँलाई गोर्खा प्रहरीले दुई दिन अघि नै फेला पारेपनि सनाखत नहुँदा समस्या भएको थियो । सामाजिक सञ्जाल लगाएतका सूचनाको आधारमा आज(आईतबार) पहिचान भएपछी मृतक प्रतिमा रेग्मी पोख्रेलको शवलाई प्रहरीले परिवारलाई बुझाएको छ ।