सागर सुबेदी,तुलसीपुर,फागुन ०६
मानव सेवा आश्रम द्धारा आयोजित श्रीमद् भागवत सप्ताह ज्ञानविज्ञान महायज्ञ नामाकरणका साथ माघ १३ गतेदेखि सुरु भइ माघ २० गते सम्पन्न महायज्ञ बाट लक्ष्य अनुसारको आर्थिक संकलन गर्न मानव सेवा आश्रम सफल भएको छ ।
आयोजकले आज फागुन ६ गते पत्रकार सम्मेलन गर्दै लक्ष्य प्राप्त गर्न सफल भएको जनाएको हो ।
महायज्ञबाट ५ करोड रकम सङ्कलन गर्ने र आगामी दुई वर्षभित्र मानव स्मारक निर्माण गर्ने लक्ष्य राखिएको थियो
।
जसमध्ये मानव सेवा आश्रमले महायज्ञ बाट नगदमा रु.२ करोड ७५ लाख ४१ हजार ३ सय ८२ रुपैँया नगदमा सहयोग संकलन गरेको छ भने नगद बाट संकलित रकम मध्ये रु.३१ लाख ७१ हजार ८ सय ७२ रुपैँया खर्च भइ नगदमा रु. २ करोड ४३ लाख ६९ हजार ५ सय १० रुपैँया नगद बचत भएको छ ।
यस्तै प्रतिबद्धता तर्फ २ करोड ७४ लाख ३० हजार ९सय २९ रुपैँया संकलन भएको जनाइएको छ । यसमध्ये प्रतिबद्धता र नगद गरि जम्मा रु.५ करोड ४९ लाख ६२ हजार ३ सय ११ रुपैँया रकम संकलन हुँदा जम्मा खर्च रकम कटौती गरी ५ करोड १७ लाख ९० हजार ४ सय २९ रुपैँया रकम संकलन गर्न सफल भएको हो ।
उक्त भवन निर्माणका लागि रु १५ करोड लाग्ने अनुमानसहित भवनको डिजाइनसहित तयार गरिएको इन्जिनियर सजिव शाक्यले जानकारी दिए । उनका अनुसार उक्त भवन आगामी दुई वर्षभित्रमा सम्पन्न गर्ने लक्ष्य राखिएको छ ।
हाल तुलसीपुर–६ गाईडरस्थित भाडाको घरबाट मानवसेवा आश्रम सञ्चालन हुँदै आएको छ । वि.सं २०७८ वैशाख ३ गतेदेखि सो घरबाट सञ्चालन हुँदै आएको आश्रममा महिला र पुरुष गरी ७५ जना आश्रित छन ।
वि.सं २०८२ सम्म नेपालाई सहयोगापेक्षी सडक मानवमुक्त देश बनाउने उद्देश्यले विसं २०६९ भदौ १३ गते हेटौँडामा मानवसेवा आश्रम स्थापना भएको थियो । हाल देशभर १९ जिल्लाका २४ स्थानमा सेवा केन्द्र सञ्चालनमा छन् ।
