जग्दीस भण्डारी / प्रकाश सुवेदी , काठमाडाैं । समाजका विभिन्न क्षेत्रमा काम गर्दै आएको सामाजिक संस्था दारी ग्याङ्ग ले देशैभरि विभिन्न कार्यक्रम गरी ८औँ बार्षिकोत्सव मनाउन लागेको छ ।
वार्षिकोत्सवको क्रममा दारी ग्याङको सबै प्रदेश र जिल्ला समितिले विभिन्न ठाउँमा विभिन्न कार्यक्रमको आयोजना गर्ने र सोको तयारि पूरा गरेको जनाएको छ ।
सो अवसरमा दारी ग्याङ्ग काठमाडौंले काठमाडौँको तारेभिरमा हाइकिङको आयोजना तथा “shree`s animal rescue Nepal” मा अवश्यक सामाग्री वितरण गर्ने दारी ग्याङ्ग काठमाडौंको योजना छ।
सुरुवातमा दारी पाल्ने मान्छेहरुलाई जोडेर मनोरञ्जनको लागि भनेर मिति २०७२ फाल्गुन ६ गतेका दिन खोलिएको फेसबुक ग्रुप थियो ” दारी ग्याङ ” ! ग्रुपमा जोडिने सदस्यहरुको संख्या बढ्दै गएपछि विभिन्न सदस्यहरुले आफ्नो दारी सहितको फोटो पोस्ट गर्ने क्रम सुरु हुँदै गयो ! ग्रुपको सदस्यहरुलाई मनोरञ्जन र दारीको फोटो हालेर फेसबुकको भित्तामा मात्रै सिमित हुनु थिएन ! त्यसैले त देशभरबाट सबैको एउटै आवाज आउन थाल्यो कि,अब दारी ग्याङ पनि फेसबुकमा मात्रै सिमित नभएर अफिसियल मिटिङ गर्नुपर्छ र फिल्डमा उत्रिएर सामाजिक काम पनि सुरु गर्नुपर्छ भन्ने आम सदस्यहरुको धारणा थियो ! दारी पाल्ने सबै मान्छे खराव हुँदैनन् ,बरु उल्टै समाजप्रति जिम्मेवार हुन सक्छन् भन्ने कुरालाई आत्मसात गर्दै ” गालामा दारी काँधमा जिम्मेवारी ” को नारालाई अगि सार्दै सामाजिक सेवाबाट सुरु भएको दारी ग्याङको यात्रा,दारी ग्याङ कला अभियान हुँदै,दारी ग्याङ विज्ञान अभियानसम्म पुगिसकेको छ भने,समाजलाई आवश्यकता अनुसार हामी हरेक क्षेत्रमा पुग्ने कोसिश गरिरहेका छौं र यो क्रम अनवरत रुपमा जारी रहिरहने छ ।
रक्तदान,बस्ती निर्माण,सीपमुलुक तालिम,प्रयोगात्मक शिक्षा,जनचेतनामूलक अभियान,No Shave November Campaign, Cancer Awareness, Fund Collection, Charity र Donation Program, विभिन्न सार्वजनिक कार्यक्रममा स्वयंसेवकको भुमिका निर्वाह गर्नुको साथै स्वास्थ,शिक्षा,आर्थिक र राजनीतिक क्षेत्रमा हुने गरेका ज्यादती र भ्रस्टाचार विरुद्ध बुलन्द आवाज उठाएर सम्पुर्ण नागरिकलाई जनचेतना जगाउने क्रम पनि जारी नै रहको छ ।
