तुलसीपुर,फागुन ५
तुलसीपुर ६ स्थित खुल्ला मैदानमा तुलसीपुर उद्योेग वाणिज्य संघ द्धारा आयोजित तुलसीपुर महोत्सव २०८० मा फागुन ५ गते शनिवार हाँस्य कलाकार धुर्मुस सुन्तली को प्रस्तुती रहने आयोजकले बताएको छ ।
फागुन ५ गते हाँस्य कलाकार धुर्मुस सुन्तली सँगै अन्य लोकप्रिय कलाकारहरुको पनि प्रस्तुती रहने आयोजक जनाएको छ । फागुन ५ गतेको मुख्य आकर्षणहरुमा गायक विक्रम परियार, गायिका इब्सु सन्ज्याल, गायक रोशन रत्गैया,गायक सन्दिप सुनार, डान्सर करिश्मा ढकाल,डान्सर रन्जिता पाण्डे लगायत तुलसीपुर डान्स आइडल,लोक दोहोरी प्रतियोगिता तथा स्थानीय कलाकारहरुको प्रस्तुती रहने छ ।
२०८० माघ २४ देखि फागुन ८ गते सम्म सन्चालित महोत्सव पछिल्लो दिन यता विवादित बन्दै गैरहेको छ । अघिल्लो बर्ष नो मेला भन्दै विवाद सिर्जना गरेको तुलसीपुर उद्योग वाणिज्य संघ नै यस बर्षको मुख्य आयोजक रहेको भन्दै एक पक्ष विवाद गरिरहेका छन भने एक पक्षले विवाद का विभिन्न बाहना खोजिरहेका छन । यस माथि पनि फागुन ३ गते र्यापर लाहुरे ले प्रस्तुती देखाउँदै गर्दा लाहुरे लाइ प्रहार गरिएको ढुङ्गा साउन्ड सिस्टममा ठोकिएर एक दर्शक लाइ लागेको र प्रहरीले बेखबर रहेको जानकारी दिए सँगै महोत्सव झन विवादित बनिरहेको छ ।