किस्मत खतिवडा,विराटनगर, फागुन ३
सरस्वती मन्दिर पूजनोत्सव मूल समिति विराटनगर ७ ले विद्याकी देवी सरस्वती माताको पूजाको दिन पारेर भव्य एवम् विशेष काव्य गोष्ठी सम्पन्न गरेको छ ।
कार्यक्रममा विराटनगरका विशिष्ट साहित्यकारहरुले काव्य श्रवण गराएका थिए । काव्य श्रवण गराउन काव्य प्रेमीहरुमा कृष्णप्रसाद गुरागाईं, राधिका गुरागाईँ, गोकुल अधिकारी, दिनेशराज सुवेदी ‘दिंलाली कान्छो’ ,हरि बराल, निमेश निखिल, अम्बिका खरेल, राधा भट्टराई, लक्ष्मी रायमाझी खडका, प्रिन्स प्रमोद कुमार ढकाल, मञ्जुश्री गिरी, लक्ष्मी पोखरेल, पुष्पा सायरा, बाबुराम पोखरेल, निर्मला कोइराला, प्रतिमा निरौला, चन्द्रा सुब्बा, रोमा निरौला, किस्मत खतिवडा, दीपा हुमागाईँ, पूर्णिमा सहनी, शुशिला भट्टराई, प्रमिला प्याकुरेल, पुष्पा बोगटी, आदिले कविता वाचन गर्नु भएको थियो ।
पाज्ञ विवश पोखरेलको प्रमुख आतिथ्यतामा भएको काव्य गोष्ठीको सभापतित्व मूल पूजा समारोहका सभापति नारायण प्रसाद पोखरेलको थियो भने कार्यक्रम सञ्चालन गायत्री संस्कृत मा वि का प्रअ चूडामणि नेपाल ‘अकिञ्चन’ले गर्नु भएको थियो ।
आयोजक संस्थाले अव प्रत्येक वर्ष सरस्वती पूजाको दिन पारेर काव्य गोष्ठी गर्ने कुरा जनाएको छ । कार्यक्रममा सरस्वती टोल समाजका प्रबुद्ध व्यक्ति, विमल पेखरेल, राजेश पोखरेल, लगायत शिक्षक विद्यार्थी आदिेले रसिकपूर्ण रुपमा काव्य श्रवण गरेका थिए ।
