अपडेट
न्याय कटारीमा भएको जिप दुर्घटनामा दुईको मृत्यु ज्ञानज्योति मा नमुना संसद अभ्यास प्रतियोगिता घोराही सिमेन्ट उद्योगभित्र टिप्परको ठक्करबाट चालकको मृत्यु पश्चिम दाङमा एकैपटक पाँच पुलको टेन्डर अन्तराष्ट्रिय कुस्ती प्रतियोगितामा लोकप्रिय गायिका साहिमा श्रेष्ठको प्रस्तुति रहने दोस्रो अन्तर्राष्ट्रिय कुस्ती प्रतियोगिता २०८० सुरु दोस्रो अन्तर्राष्ट्रिय कुस्ती प्रतियोगिता २०८० सुरु शिखा बोर्डिङले मनायो २७ औँ वार्षिकोत्सव मगर संस्कृति जोगाउन आबश्यक छ ः मन्त्री मास्की आज फागुन १५ गते मङ्गलबार को राशिफल हेर्नुहोस मगर संघ स्थापना दिवसमा प्युठानका ४ स्थानीय तहमा बिदा शैक्षिक सुधार तथा गुणस्तर अभिवृद्धिका लागि शिक्षण सिकाई प्रविधि र सीपलाई विकास गर्दै लैजानु पर्छ : अर्थमन्त्री मास्की अजम्बरी कृषि सहकारी संस्थाको ११ औं वार्षिक साधारण सभा सम्पन्न पूर्व बेलायती सैनिक हरि बुढा मगरलाई बुढालाई दाङमा नागरिक अभिनन्दन घोराही-तुलसीपुर सडकमा आजदेखि यात्रामा ७० मिनेट समय लाग्ने विद्यार्थीलाई अहिलेको यो विश्व बजारमा बिक्न सक्ने शिक्षाको आवश्यकता छ : के.वि वली दलहरुले भन्छन : गुठी पिडित मोहि किसानको न्यायका लागि एकमत छौं  नेपाल रेडक्रस सोसाइटी पवननगर उपशाखाको १६ औं वार्षिक साधारण सभा सम्पन्न रुसी सेनामा भर्ना भएका रोल्पाका एक युवक मारिए

इमानदार राजनीतिक शक्तिसंग घनिष्ठ सम्बन्ध कायम गर्न चाहन्छौं: नेता एटम

 

 

माघ २८ , तुलसीपुर । नेपाल कम्युनिस्ट पार्टीका पिबिएम एटम सीले इमानदार राजनीतिक शक्तिसंग घनिष्ठ सम्बन्ध कायम गर्न चाहेको बताएका छन् ।

 

शनिबार तुलसीपुरमा आयोजित अन्तरक्रिया कार्यक्रमलाई सम्बोधन गर्दै नेता एटम सीले उक्त कुरा वताएका हुन् ।

 

is

नेकपा तुलसीपुर उपमहानगर कमिटीको आयोजनामा आयोजित वर्तमान परिस्थिति र नेपाली बिशेषताको समाजवाद विषयक अन्तरक्रियालाई प्रमुख वक्ताको रुपमा बोल्दै नेता एटमले भने– ‘ नेपालमा राजनीतिक संकट भयंकर डरलाग्दो अवस्था छ । हामिले नेपालको वर्तमान परिस्थिति , यसको संकट निकासका लागि लड्न प्रयत्नशिल हुने इमानदार राजनीतिक शक्तिसंग नेकपाले घनिष्ठ सम्बन्ध स्थापित गर्न चाहन्छौं , सुझाव लिन चाहेका छौँ र सहकार्य पनि गर्न चाहेका छौँ ।’

 

 

दलाल पुजीवादी सत्ताको कारणले जनताले दुख पाएका छन् , उनले थप भने ,  ‘ आज नेपाली जनताको अवस्था कहालीलाग्दो छ । एकछाक टार्नपनि मुस्किल भइरहेको बेला राज्यसत्तामा हालीमुहाली गरिरहेका दलालहरुले मुलुकमा काण्डैकाण्ड मच्चाएर रजाइँ चलाइरहेका छन् । यहाँको अर्थतन्त्र दलाल पुजीवादीको कब्जामा छ । राजनीतिक , आर्थिक , सामाजिक , सांस्कृतिक लगाएत तमाम क्षेत्रहरु संकटग्रस्त छन् । जनताले अब यो व्यवस्थालाई टेको लगाउने छैन , उनिहरु बिद्रोह गरिरहेका छन् ।’

 

नेता एटमले अमेरिकी साम्राज्यवादले अघि सारेको एमसिसी प्रोजेक्ट भयानक खतरापूर्ण सैन्य परियोजना भएकाले जनताले यसलाई लागू हुन नदिन सडक संघर्ष गर्नुपर्ने बताए ।

 

 

कम्युनिस्टहरुले संकटको मात्रै कुरा गर्दैनन् , यसको समाधान पनि दिन सक्छन् , उनले थपे ‘ हामिले भनेका छौँ अहिलेको संकट केबल दल , पार्टी र व्यक्ती बिशेषको कुरा मात्रै होइन , यो व्यवस्थाक्प दोष हो । अहिले नेपालमा चलिरहेको दलाल पुजीवादी संसदीय सत्ताले देश र जनताको भाग्य र भविष्यको फैसला गर्न सकेन भन्ने कुरा पटकपटक प्रमाणित भइसकेको छ । हाम्रो पार्टीले यो व्यवस्थाको विकल्पमा वैज्ञानिक समाजवादी राज्यव्यवस्था स्थापनाको कुरा गरेका छौँ । वैज्ञानिक समाजवाद अहिले नै सम्भव छैन भनेपनी अहिले हाम्रो पार्टीले भनेको नेपाली मौलिकता सहितको समाजवाद अपरिहार्य बन्न पुगेको छ । नेपालका सबै दलले जनतामा समाजवाद भन्दै भोट मागिरहेका छन् , पटकपटक सरकारमा पनि गएका छन् । जनताले समाजवाद चाहेका छन् । समाजवाद सबैको साझा विषय हो भने समाजवादमा जान किन तयार नहुने ? त्यसैले हाम्रो स्पष्ट कुरा छ , एकपटक नेपालका तीन करोड नेपाली जनतालाई वास्तविक शान्ती ,समृद्धि र स्वाधीनताको प्रत्याभूति हुने नेपाली बिशेषताको समाजवादमा जान तयार हौं । साझा फोरम बनाएर छलफल चलाऔं , नेकपा समाजवादका लागि इमानदार राजनीतिक शक्तिसंग सहकार्य गर्न तयार नै छ ।’

 

 

नेता एटमले समाजवाद गन्तव्य राखेका सबै दललाई त्यसको बिशेषताहरु ल्याउन सुझाब समेत व्यक्त गरेका थिए ।

 

 

यस्तै कार्यक्रममा अवधारणा पत्रमाथी बोल्दै नेकपाका केन्द्रीय सदस्य एवम राप्ती ब्युरो इन्चार्ज सविन सीले  नेपालमा अहिले निराशाको डढेलो सल्किएको बताए ।

 

उनले भने – ‘ नेपालमा निराशाको डढेलो सल्किएको छ । यसलाई नियन्त्रण गर्ने साझा निष्कर्ष भनेको समाजवाद हो । नेपालको आजको समस्यालाई हल गर्नका लागि साझा फोरम मार्फत काम गर्न चाहेका छौँ ।’

 

 

२००७ सालदेखी अहिलेसम्म केही राजनीतिक फेरबदल बाहेक जनताको आर्थिक जीवन बदलिएन , उनले थपे ‘ जनताको आर्थिक जीवन अहिलेपनी बदलिएको छैन , यसको अर्थ यो पनि हो जनताले आफ्नो शासन व्यवस्था प्राप्त गरेका छैनन् । संविधानमा समाजवाद उन्मुख लेखिएको छ तर अर्थतन्त्र नवउदारवादी हुँदै दलाल पुजीवादको कब्जामा छ , नियन्त्रण छ । नेपालमा अहिले अर्थतन्त्रले राजनीतिलाई निर्देशित गरेको छ ।’

 

 

यस्तै नेता सविन सीले समाजवाद भनेको मानव जिवनलाई खुसी बनाउने राजनीतिक प्रणाली भएको समेत बताए ।

 

 

समाजवाद सबैको साझा मिसन हो भने साझा न्युनतम कार्यक्रम बनाएर अघि बढ्न नेता सविनको आग्रह थियो ।

 

 

अन्तरक्रिया कार्यक्रमका अतिथि बिजौरी उवासंघका कोषाध्यक्ष कर्ण बहादुर वली , मानवअधिकारकर्मी प्रमोद न्यौपाने , दलित अधिकारकर्मी निर्मल नेपाली , राप्ती बबई क्याम्पसका सञ्चालक समितिका सदस्य निर्मल आचार्य , अखिल नेपाल शिक्षक संगठनका केन्द्रीय सचिव निर्मला डिसि , शिक्षा क्षेत्रका हस्ती बिष्णु प्रसाद आचार्य , वैकल्पिक राजनीतिक अभियान्ता जीवन भण्डारी , नेकपा मशालका जिल्ला कमिटी सदस्य शसिराम बुढाथोकी , क्रान्तिकारी कम्युनिस्ट पार्टी नेपालका जिल्ला सदस्य इश्वरी प्रसाद गैरे , जनता समाजवादी पार्टीका जिल्ला उपाध्यक्ष मोहन वली , नेकपा ( एस) का प्रतिनिधि डिल्ली बहादुर पुन , नेकपा एमाले तुलसीपुरका अध्यक्ष माधव वली , नेपाली कांग्रेसका सह-सचिव शेशमनि भण्डारी , रेडियो हाम्रो पहुँचका स्टेसन म्यानेजर बसन्त पौडेल , प्रदेश टुडेका कार्यकारी सम्पादक जितसागर जिएम , सिएनटी प्रेसका सञ्चालक तथा सम्पादक सागर सुवेदी लगाएतको आतिथ्य रहेको थियो ।

 

 

कार्यक्रममा प्रस्तुत अवधारणा पत्रमाथी कार्यक्रमका अतिथि लगाएत संघ/संस्थाका प्रतिनिधिहरुले टिप्पणी गरेका थिए

 

 

नेकपाकि नेतृ रेखा सीको स्वागत मन्तव्यबाट सुरु भएको कार्यक्रमको अध्यक्षता नेकपा तुलसीपुरका सेक्रेटरी शिव सीले गरेका थिए भने सहजीकरण पार्टीका तुलसीपुर उपमहानगर कमिटीका इन्चार्ज भुवन सीले गरेका हुन् ।

Leave a Reply

Your email address will not be published. Required fields are marked *