बिशाल विश्वकर्मा, तुलसीपुर
२०८०/१०/१८
तुलसीपुर उपमहानगरपालिका का मेयर टिकाराम खड्काले आगामी कार्ययोजनामा तुलसीपुरमा चुरोट खैनी रक्सी मुक्त हुने निति ल्याउँने बताएका छन ।
अप्टिमिष्ट स्थापना दिवसको अवसरमा अप्टिमिष्ट क्लव अफ तुलसीपुरले लागू पदार्थ दुर्व्यसनीसम्बन्धि सचेतना कार्यक्रममा बोल्दै मेयर खड्काले यस्तो कार्ययोजना ल्याउँने बताएका हुन ।
अप्टिमिष्ट स्थापना दिवसको अवसरमा अप्टिमिष्ट क्लव अफ तुलसीपुरले लागू पदार्थ दुर्व्यसनी सम्बन्धि सचेतना कार्यक्रम गरेको छ । बिद्यार्थीहरुलाई लक्षित गरी लागू पदार्थ दुर्व्यसन सम्बन्धी सचेतनामुलक कार्यक्रम राखेको हो ।
स्थापना दिवसको अवसरमा अप्टिमिष्ट क्लब अफ तुलसीपुरले विभिन्न विद्यालयहरु बाट बिद्यार्थी बोलाएर तुलसीपुर उपमहानगरपालिकाको सभा हलमा कार्यक्रम गरेको हो । एकराज भण्डारीको स्वागत मन्तव्यबाट सुरु भएको कार्यक्रममा प्रमुख अतिथि तुलसीपुर उपमहानगरपालिका मेयर टिकाराम खड्का रहेका थिए ।
कार्यक्रममा लागु पदार्थ सम्बन्धित नार्कोनन नेपाल लुम्बिनी प्रदेशका संयोजक बसन्त पुनले सहभागीलाई लागू पदार्थ दुर्व्यसन सम्बन्धि परिक्षण दिएका हुन । पुनले कार्यक्रममा सम्बोधन गर्दै पछिल्लो समयमा युवाहरु लागूपदार्थ दुर्व्यसनीमा फस्ने गरेको बताएका छन्। यस्ता दुर्व्यसनीबाट मुक्त हुन स्थानिय तहहरुमा विभिन्न कार्यक्रमहरु गर्नुपर्ने बताएका छन् । पुनले लागूपदार्थ सेवनले मानिसको जिवनमा नकारात्मक असरहरु आउने बताएका छन् ।
कार्यक्रममा अप्टिमिष्ट क्लब अफ तुलसीपुरका अध्यक्ष कमल सापकोटा , उपाध्यक्ष टिम अधिकारी, अध्यक्ष इलेक्ट एकराज भण्डारी, महासचिव बिष्णु योगि , तुलसीपुर जे सि ज अध्यक्ष पूर्ण विक्रम डाँगी, सल्लाहकार झरेन्द्र खरेल , बिष्णु देबकोटा, मेघराज पोख्रेल लगाएतको उपस्थिती रहेको थियो । कार्यक्रममा ग्रेट अरनिको मा वि , लिटिल हेभन मा वि , दाङ भ्याली मा वि , गोरखा मा वि विद्यालयका कक्षा १२ मा अध्ययनरत विद्यार्थीहरूको उपस्थित रहेको थियो । दुर्व्यसन मुक्त समाज निर्माणका लागि सचेतना कार्यक्रम संचालन गरिएको क्लबले जनाएको छ ।
