बिशाल विश्वकर्मा
दाङ ,२०८०/१०/१६
दाङको तुलसीपुर उपमहानगरपालिका वडा नं ७ घोराही तुलसीपुर सडक अन्तर्गत पर्ने ग्वारखोला पुल भत्किन सुरु गरेको छ । यस पुल निमार्णका लागि कालिका रसुवा जेवि अन्तर्गत रसुवा कन्ट्रक्सन प्रा लि ले ठेक्का पाएको थियो ।
वि सं २०५४ असार ११ गते सम्झौता गरि २०५४ माघ २२ गते निमार्ण काम सुरू गरिएको यस पुल २०७७ असार मसान्तसम्मा सम्झौता भएता पनि ७ महिना अगावै निमार्ण पूरा भएर २०७६ पुसको पहिलो हप्ता सन्चालनमा आएको थियो । २२० मिटर लम्बाई साढे १० मिटर चौडाइ भएको पुल दुवै तर्फबाट भत्किन सुरु गरेको छ ।
पुलको पश्चिमी भागमा रहेको सेफ्टी बारमा मालबाहक ट्रक ठोक्किदा भचिएको छ र सम्बन्धित निकायले केहि चासो नदेखाएको स्थानिय बताउँछन् ।
पुलको बोर्डमा लेखिएको कुन पुल हो भनि चिनाउने बोर्डको नाम समेत मेटिएको छ ।
पुलको वरपर सडक व्यवस्थित नभएका कारण दुर्घटना बढेको छ । समस्या देख्दादेख्दै पनि सम्बन्धित निकाय माैन रहेकाे स्थानीयहरु बताउँछन् ।
