बिशाल विश्वकर्मा,माघ १५ , तुलसीपुर
माध्यमिक विद्यालय कालाखोलाका नगर स्तरीय रनिङ शिल्डमा बिजेता खेलाडीहरूलाई नगद सहित सम्मान गरिएको छ । विद्यालयले बिद्यालयमा एक कार्यक्रमको आयोजना गरी बिजेता खेलाडीहरूलाई नगद ,कप र प्रमाणपत्र सहित सम्मान गरेको हो ।
बिजेता खेलाडीहरूलाई तुलसीपुर उपमहानगरपालिका वडा नं ७ वडाअध्यक्ष राम बहादुर जि सी ले नगद रु. १००००, विद्यालय व्यवस्थापन समितिका अध्यक्ष भरत चौधरीले रु. ५०००,सोही विद्यालयका प्रधानाध्यापक राजिव ओझाले रु. ३००० र शिक्षक छबिलाल न्यौपानेले रु. ३००० नगद पुरस्कार सम्मान स्वरुप प्रदान गर्नुभएको हो ।
नगर स्तरीय पाँचौं राष्ट्रपति रनिङ सिल्ड प्रतियोगिता का विभिन्न खेलमा गरि माध्यमिक विद्यालय कालाखोला का २६ जना खेलाडीहरूले कप/मेडल जितेका हुन ।
विद्यार्थीलाई शिक्षामा मात्र केन्द्रित नभई खेल तथा अन्य अतिरिक्त क्रियाकलापमा पनि संलग्न भई अगाडि बढाउन वडा सदैव सकारात्मक र सहयोग गर्न तयार रहेको वडा अध्यक्ष जि सी ले बताउनुभएको हो ।
पछिल्लो समय माध्यमिक विद्यालय कालाखोला ले अघिल्ला वर्षहरुमा पनि नगर स्तरीय तथा जिल्ला स्तरिय खेलकुद प्रतियोगिता हरुमा उत्कृष्ट नतिजा तथा शिल्ड र कपहरु हात पार्दै आइराखेको छ ।