गजल – सृष्टि सावित्रा

सृष्टि सावित्रा, माघ १२

सबथोक पाएर पनि खुशी बन्न नसकेको

म तिम्रै प्रेमिका हुँ! श्रीमती बन्न नसकेको

 

सियोबाट तरबार बनिसके आफ्नाहरु

म पुरानै कर्द हुँ! खुकुरी बन्न नसकेको

 

आँखामा बस्ने हरुको के कुरा गर्नु यहाँ

कोही छ,मुटुमै बसेर ढुक्ढुकी बन्न नसकेको

 

लेख्नु त धेरै थियो अट्न सकेनन् शब्दहरु

म उही गजलकार हुँ! कवि बन्न नसकेको

 

प्रतिफल दिन सकेन प्रेमको लगानीले

यसकारण हो मेरो जिन्दगी बन्न नसकेको