दाङ , माघ ५
दाङको शान्तिनगर गाउँपालिकाका अध्यक्ष प्रमोद बस्नेतले आफ्नाे जन्मदिन विकट बस्तीका विद्यालयमा अध्ययन गर्ने विद्यार्थीसंग मनाउनु भएको छ । शान्तिनगर गाउँपालिका वडा नं. १ का विकट बस्तीका विद्यालय राप्ती मा.वि. पेदिखोला र सरस्वती प्रा.वि. बाघखोरका विद्यार्थीसंग आफ्नो जन्मदिन मनाउनु भएको हो । राप्ती मा.वि. पेदिखोलाका विद्यार्थीले बाटैमा अध्यक्ष बस्नेतको जन्मदिनमा केक काटेका थिए । विद्यार्थीहरुले आफै केक लिए्र काटेका थिए । विद्यार्थीहरुले अध्यक्ष बस्नेतलाई केक काट्दै जन्मदिनको शुभकामना दिएका थिए ।
अध्यक्ष बस्नेतले विद्यालयका विद्यार्थीलाई बल वितरण गर्नु भएको थियो । यसैगरी सरस्वती प्राथमिक विद्यालयका विद्यार्थीका संग जन्मदिन मनाउनु भएको हो । सो विद्यालयमा अध्ययनरत ५२ जना विद्यार्थीलाई व्यक्तिगत विद्यालयको पोशाक वितरण गर्नुभएको छ । विकट बस्तीका विद्यालयका विद्यार्थीसंग जन्मदिन मनाउन आफुलाई खुशी लागेको अध्यक्ष बस्नेतले बताउनुभयो । जन्मदिनमा फोकट खर्च गर्नु भन्दा विद्यार्थी संग बसेर जन्मदिन मनाएको र थोरै भएपनि विद्यार्थीलाई सहयोग गर्न पाएकोमा खुशी लागेको उहाँले बताउनुभयो ।
शान्तिनगर गाउँपालिका अध्यक्ष बस्नेतले विकास निर्माणसंगै गरिब दुखी असाहयहरुको सहयोग र साथ दिदै आउनु भएको छ । जेष्ठ नागरीक तथा विरामीलाई निशुल्क उपचार देखि निशुल्क अप्रेशन गराउनु भएको थियाे ।
