सौगात घिमिरे
एउटा सानो गाउँमा सानो घर थियो। बुवा आमा र छोरा सहित ३जानाको परिवार थियो। बुवा सैनिक सेवामा थिए। एक युद्धमा छातीमा गोलिलागी बुवा सहिद भए। बुवा हुँदा परिवारको आर्थिक स्थिति सामान्य थियो तर बुवा नभएपछि उनीहरुको आर्थिक स्थिति कमजोर बन्यो उनिहरुलाई २छाक काट्न कठिन हुन थाल्यो र पनि आमा ले हिम्मत हारिनन्न। आमाको सपना छोरोलाई ठुलो अनि सफल व्यक्ति बनाउने थियो।
आमाको अथक प्रयास र धेरै मेहनतका कारण छोरो धेरै पढी ठूलो उद्यमी बन्यो। आमाले धेरै पढेकी थिइनन्। एकदिन त्यो छोराले मनमनै सोच्यो” मेरी आमाले धेरै पढेकी छैनन् हाम्रो. लेभल नै मिल्दैन”। त्यसैले आमा सामु एउटा प्रस्ताव राख्यो” आमा तिमीले आज मलाई सफल उद्यमी बनाउन धेरै मेहेनत गर्यौ अनि धेरै खर्च पनि गर्यौ होला। तिमीले गरेको सम्पूर्ण खर्च ब्याज सहित जोडेर मलाई भन। म तिमीलाई सम्पूर्ण पैसा तिर्ने छु अनि हामी अलग-अलग बस्नपर्छ”। त्यति सुनेपछि आमाले भनिन् “हुन्छ बाबु म तिमीलाई सम्पूर्ण खर्चको विवरण दिने छु तर त्यसका लागि मलाई केही समय भने चाहिन्छ। छोरोले भन्यो “हुन्छ तिमी आफ्नो पूरा समय लिन सक्ने छौ”।
त्यो दिनको रात पर्यो खाना खाने बेला भयो आज आमाले छोरालाई खाना खाना बोलाइन बोरु आफै पस्केर खान थालिन्। खाना खाइसकेर आमा सुत्न गइन् ।छोरालाई सारै भोक लागेको रहेछ आमाले नबोलाएपछि उ भान्सामा गयो। त्यहाँ छोपेर राखेको बोटुकामा अलिकति भात अनि सब्जी देख्यो। छोराले आमाको कोठामा गएर सोध्यो”आमा आज किन थोरै भात बनाउनुभएको त्यतिले त मेरो आदि पेट पनि अघाउदैन अनि दाल पनि रहेनछ यति भनेपछि आमाले भनिन् आज सारै भोक लागेको थियो त्यसैले मैले अघि खाए। दाल पनि सक्यो कचौरामा भात र सब्जी छ तिमी खाउ है”। छोराले भन्यो “आमा तिमी त आजसम्म मलाई नदिइ कहिल्यै खादिन थियौ फेरी आज किन ?? छोराको कुरा सुनेर आमाले हाँस्दै भनिन् छोरा तिमीले मलाई पुरा हिसाब गर्नु भनेको होइन । हो म त्यहि हिसाब गर्दै थिए । सानोमा तिमीले कति पटक धेरै भोक लाग्दा खाना खाएर मलाई पुग्दैनथ्यो। अनि आज तिमीलाई अलिकति भएपनि खाना त छ म तिमि साना हुँदा कतिपटक भोकै निदाए होला। यो त पहिलो दिन हो छोरा। मैले त मेरो हिसाब भर्खर मात्र सुरु गरेको छु”।
आमाको कुरा सुनेर छोराको मनमा ठुलो धक्का पुग्यो। उ रातभर निदाउन सकेन।
अन्तत : उसले थाहा पायो आमाले जुन गुन लगाएकि हुन्छिन। त्यो कहिल्यै तिर्न सकिन्न। आमाको माया,सितल छाया, आमाले उठाएको दु:ख :त्यो अमुल्य हुन्छ अनि सदा अमर रहन्छ।
