तुलसीपुर,९ पुस ।
बबई गाउँपालिका वडा नं. १ सिमलकुनामा १८० बढि माओवादी केन्द्रमा प्रवेश गरेका छन् । जनतासंग माओवादी विशेष रूपान्तरण अभियान अन्तरगत साेही ठाउँमा भएकाे कार्यक्रममा १८० बढिले माओवादी केन्द्रमा प्रवेश गरेका हुन् । नब प्रवेशीहरूलाई पार्टीका केन्द्रीय सदस्य तथा लुम्बिनी प्रदेशका अर्थमन्त्री धनबहादुर मास्कीले स्वागत गरेका हुन् । त्यस अवसरमा नवप्रवेशीहरूले पश्चिम दाङमा विकासकालागि गरिएकाे पहलले आफूहरू प्रभाबित भएर माओवादी केन्द्रमा प्रवेश गरेकाे बताए । एमाले, काँग्रेसलगायतबाट उनीहरू माओवादी केन्द्रमा प्रवेश गरेका हुन् ।
त्यस अवसरमा नव प्रवेशीहरूलाई सम्बाेधन गर्दै प्रदेश अर्थमन्त्री मास्कीले सिमलकुना, जिला पुग्नकालागि बबई नदीमा पुल निर्माणकालागि डीपीआर भईसकेकाे बताए । त्यस्तै साेही ठाउँमा पुग्नकालागि सडक निर्माणकालागि समेत एक कराेड बजेट बिनियाेजन गरेकाे उनले बताए । त्यस्तै उनले बिद्युत,खानेपानी, सिंचाई, आरक्षणलगायतका समस्या समाधान गर्ने प्रतिबद्धता जनाए ।
उनले पश्चिम दाङकाे गंगटे, जिलासहितका क्षेत्र निकै बिकट रहेकाले त्यहाँकाे विकास भएमात्रै आफूले गरेकाे विकास देखिने बताए । हापुरेबाट गंगटे पुग्ने सडकबीचका तीन वटा खाेलामा पुलकालागि बजेट हालेकाे समेत उनले बताए । साथै गंगटेमा पुग्ने सडक स्तराेन्नतीकालागि समेत बजेट बिनियाेजन गरेकाे उनले बताए । त्यस अवसरमा पार्टीका प्रदेश कमिटि सदस्य भिमबहादुर वली, पार्टीका पालिका अध्यक्ष एकलाल घर्तीले मन्तब्य ब्यक्त गरेका थिए। कार्यक्रमकाे सहजीकरण पार्टीका पालिका उपाध्यक्ष यज्ञ वलीले गरेका थिए ।
