तुलसीपुर,पुष २
पछिल्लो समय सहयोगी मन भएका व्यक्तिहरूले जन्मदिन , वैवाहिक वर्षगाँठ लगायत विभिन्न खुशी का दिनहरुमा रमाइलो गर्ने, पार्टी गर्ने , केक काट्ने जस्ता फजुल खर्चमा गर्ने रकम खर्च कटौती गरि सहयोग गरेको सुन्न तथा देख्न मा पाइन्छ ।
यस्तै आज पुष २ गते आफ्नो जन्मदिनको अवसरमा तुलसीपुर वडा नं १२ निवासी श्री राम फर्निचर तथा मिष्ठान्न भण्डार का प्रोप्राइटर नवराज गौतम र वडा नं ६ निवासी लक्ष्मी पुजा सामाग्री पसल का प्रोप्राइटर देवेन्द्र कालाथोकि ले रमाइलो गर्ने तथा केक काट्ने रकम तुलसीपुर उपमहानगरपालिका वडा नं ४ निवासी शारीरिक अशक्त उज्ज्वल शिं बुढाथोकी लाइ सहयोग गर्नु भएको छ ।
करिब १२ हजार बराबरको मुल्य पर्ने चामल,पिठो , तेल , नुन बेसार , खुर्सानी,सिरक,गद्दा, सिरानी र गुन्द्री गरि अशक्त बुढाथोकी लाइ सहयोग गर्नु भएको हो । बुढाथोकी अशक्त सँगै निकै कमजोर आर्थिक अवस्था भएको व्यक्ति हुनुहुन्छ ।
पछिल्लो समय मा देखिने भड्किलो तामझाम र बिभिन्न दिन को अबसरमा गरिने फजुल खर्च लाइ सहयोग को काम मा लगाए ति गरिब , अशक्त, अपाङ्गता तथा समस्या मा परेका व्यक्तिलाई सहज हुने तथा आत्मसन्तुष्टि मिल्ने बताउदै गौतम ले यस्तो सहयोग को काममा सबैले हातेमालो गर्नु पर्ने बताउनु भयो ।
