प्रमुख प्रशासकीय अधिकृतको विषयमा भएको झडपमा एकको मृत्यु

बाराको सिम्रौनगढ नगरपालिकामा आएका नयाँ प्रमुख प्रशासकीय अधिकृतलाई हाजिर गराउने विषयलाई लिएर भएको विवाद उग्ररूप लिएको छ । असन्तुष्ट पक्ष र प्रहरीबीच झडप भएपछि हवाई फायर र अश्रु ग्यास प्रहार गरिएको छ । सोही क्रममा एक जनाको मृत्यु भएको बाराका प्रमुख जिल्ला अधिकारी नवराज सापकोटाले जानकारी दिए । प्रमुख जिल्ला अधिकारी सापकोटाका अनुसार झडपमा परि १० जना प्रहरी घाइते भएका छन् ।