सनिवार प्रगतिशील स्वावलम्बी समुहले ३२ औं अन्तर्राष्ट्रिय लैङ्गिक हिंसाविरुद्ध १६ दिने अभियानको अवसरमा महिला हिंसा तथा भेदभाव विरुद्ध जनचेतनामूलक सडक नाटक प्रदर्शन गरेका छन। उक्त नाटक धादिङ जिल्लाको त्रिपुरासुन्दरी गाउपालिका ७ बडहरेमा गरिएको थियोे।
नाटकको माध्यमद्वारा महिलामाथी हुने हिंसा र छोराछोरीबिच हुने बिभेदलाई चित्रण गारिएको उक्त समुहले बताएको छ। त्यस्तै अहिले अन्तर्राष्ट्रिय रुपमा नोभेम्बर २५ देखि डिसेम्बर १० सम्म चलिरहेको लैंगिक हिंसा विरुद्धको अभियानलाई सार्थक बनाउन यो नाटक गरेको बताएका छन।
प्रगतिशील स्वावलम्बी महिला समुहले नाटक सुरु हुन पुर्व सुकौरा , बडहरे र खहरेसम्म नारा जूलूस कार्यक्रम निकालेका थिए। उक्त कार्यक्रममा महिला हिंसा अन्त्य गरौँ , महिलालाई तिरस्कार होईन माया गरौं , महिलाको अधिकार सुनिश्चित गरौँ , महिलालाई घरको चार किल्लामा मात्र सिमित नगरौं जस्ता नाराहरु देख्न सकिन्थ्यो।
नारा जूलूस कार्यक्रममा त्रिपुरेश्वर ३ उपशाखा तथा सल्यानकोट प्रहरी चौकीको समेत सहकार्य तथा साझेदारी रहेको थियोे। दिउँसो २ बजे बडहरेमा आयोजित सडक नाटक हेर्न खहरे , बडहरे , सुकौरा र गणेशस्थान निबासी ब्यक्तिहरुको उपस्तिथिती रहेको थियो।
