बिजयराज जोशी । बझाङ्गमा २०८० कार्तिक १८ र १९ गते गरी दुई दिने दिन यौन तथा प्रजनन स्वास्थ्य र अधिकार सम्बन्धी जनचेतनामुलक सत्र सम्पन्न भएको छ।
जिल्लाको जयपृथ्वी नगरपालिकाका ११ ओटै वडाका किशोरकिशोरीहरु सहभागितामा भिजिबल इमप्याक्ट (Visible Impact) ले आयोजना गरेको यौन तथा प्रजनन् स्वास्थ्य र अधिकार, परिवार योजना र महिनावारी स्वच्छता सम्बन्धी जनचेतनामुलक सत्रमा यौन तथा प्रजनन स्वास्थ्य र अधिकार,परिवार योजना, महिनावारी स्वच्छता, लैङ्गिक तथा यौनिक अल्पसंख्यक समुदाय र अपाङ्गता भएका ब्यक्तिहरलाई भेटभाबरहित यौन तथा प्रजनन् स्वास्थ्य सेवाको पहुँच बारेमा छलफल सहित अन्तर्क्रिया गरिएको थियो।
सहभागीहरुले यौन तथा प्रजनन स्वास्थ्य र अधिकारका विविध विषयमा नयाँ जानकारी भएको बताए। सत्रमा लैङ्गिक तथा यौनिक अल्पसंख्यक समुदायका बारेमा बताइएको कुरा नयाँ रहेको र हामीले उहाँहरुलाई हेर्ने दृष्टिकोण बदलिएको जानकारी गराए ।
जनचेतनामुलक सत्रमा जयपृथ्वी नगरपालिकाका ११ ओटै वडाका १०० भन्दा बढी किशोरकिशोरीहरु संग उक्त सत्र रहेको र दुई दिन चलेको उक्त सत्रमा प्रत्येक दिन ५० भन्दा बढी फरक फरक किशोरकिशोरीहरुको सहभागितामा रहेको भिजिबल इमप्याक्टका युथ च्याम्पियन विजयराज जोशीले बताए। जनचेतनामुलक सत्रमा प्रशिक्षकमा भिजिबल इमप्याक्टका युथ च्याम्पियन विजयराज जोशी, मानसिंह विष्ट र अनिल जोशी रहेका थिए।
