सागर सुबेदी , तुलसीपुर , कार्तिक २४
दाङको तुलसीपुर उपमहानगरपालिका ले गरिब परिवार पहिचान तथा परिचयपत्र वितरण कार्यक्रम अन्तर्गत आवश्यक तथ्याङ्क संकलन गर्न सुरु गरेको छ । हिजो कार्तिक २३ गते देखि पालिका का सबै वडाहरुमा एकैसाथ ३२ जना गणक र ४ जना सुपरिवेक्षक परिचालन गरेको हो । नेपाल सरकार भुमी व्यवस्था , सहकारी तथा गरिवी निवारण मन्त्रालय अन्तर्गतको गरिब परिवार पहिचान तथा परिचयपत्र वितरण कार्यक्रम अन्तर्गत पहिलो चरणको तथ्याङ्क संकलन कार्य सुरु भएको छ । गणक तथा सुपरिवेक्षक ले ४ महिना भित्र संकलन गर्ने तथ्याङ्कमा नगरवासी हरुको व्यक्तिगत, पारिवारिक र आर्थिक अवस्थाको बारेमा तथ्याङ्क सङ्कलन गरी प्राप्त तथ्याङ्क को विश्लेषण पश्चात सुची तयार गरिनेछ । तयार पारिएको सुची लाइ नगर ले दावी बिरोध को सूचना सार्वजनिक गरी दावी बिरोध नआएका तथ्याङ्क को अन्तिम सुची तयार पारी भुमि व्यवस्था, सहकारी तथा गरिवी निवारण मन्त्रालय बाट राज्य सुविधा परिचय पत्र कार्ड प्रदान गरिने तुलसीपुर उपमहानगरपालिका का सूचना अधिकृत बाबुराम न्यौपाने ले बताउनुभयो ।
मन्त्रालय ले वि.सं २०७६ साल देखि नै तथ्याङ्क संकलन गर्न सुरु गर्ने बताए पनि कोभिड महामारी लगायत अन्य प्राविधिक समस्या का कारण कार्यक्रम सन्चालन हुन सकेको थिएन ।
