सौगात घिमिरे | बिर्तामोड नगरपालिका वडा न.२ स्थित मोहनमाया माध्यमिक विद्यालयमा कक्षा ११ का नवआगन्तुक
विध्यार्थीहरुको स्वागत तथा दसैंको शुभकामना आदानप्रदान कार्यक्रम समापन भएको छ!
आज शनिबार पहिलो त्रैमासिक परिक्षा सकिए लगत्तै कक्षा ११ तथा डिप्लोमा प्रथम वर्षमा अध्ययन गर्न आएका नवआगन्तुक विध्यार्थीहरुलाई कक्षा १२ को आयोजना साथै विद्यालयको सहयोगमा स्वागत तथा नेपालीहरुको महान चाड बडादसैं-२०८०को शुभकामना आदानप्रदान कार्यक्रम समापन भएको हो! कक्षा ११/१२ का विध्यार्थी प्रतिनिधि अध्यक्ष नविन तिवारीको अध्यक्षतामा समापन भएको कार्यक्रम विद्यालय प्रधानाध्यापक शेर बहादुर श्रेष्ठ,विद्यालय व्यवस्थापन समिति अध्यक्ष देवी निरौला बस्नेत,शिक्षक अभिभावक संघ अध्यक्ष लिला नाथ खत्री तथा विद्यालय व्यस्थापन समितिका सदस्य हरुको आतिथ्यमा समापन भएको हो।
पहिलो चरणमा अतिथिहरुद्वारा सम्पुर्ण नवआगन्तुक विध्यार्थीहरुलाई अबिर खदा तथा मायाको चिनो सहित स्वागत गरिएको थियो भने भने त्यसपश्चात् विभिन्न विधामा विध्यार्थीहरुको अन्तरनिहित क्षमता प्रष्फुटन गरिएको थियो जस अन्तर्गत विध्यार्थीहरुद्वारा नृत्य,गायन तथा कबिता गजलहरु प्रस्तुत गरिएका थिए,
कार्यक्रममा बोल्दै विद्यालयका प्रधानाध्यापक शेरबहादुर श्रेष्ठले ५ वर्ष अघि निकै नै न्यून विध्यार्थीहरु सहित ११ /१२ का कक्षा सन्चालनमा ल्याएको र आज भने विद्यालय मुलककै एक नमुना विद्यालयको रुपमा स्थापित भइसकेको र आज विद्यालयमा भर्ना पाउन विध्यार्थीहरुको अत्याधिक चाप रहने गरेको कुरा राख्नु भयो। कक्षा १२ का टिका रिजाल तथा अपेक्षा आचार्य द्वारा स्वागत गरेको कार्यक्रम कक्षा १२ कै विध्यार्थीद्वय अदिति चौलागाईं र प्रदिप थापाद्वारा सन्चालन गरिएको थियो।
