नेकपा एमाले जुम्लाका उपाध्यक्ष सुरत बहादुर शाहीले पढाइ खर्च दिने र सहयोग गर्ने भन्दै यौन प्रस्ताव राखेको अडियो बाहिरिएको छ । जुम्लाको तातोपानी गाउँपालिका वडा नं ८ का शाहीले स्थानीय एक युवती (भतिजी पर्ने) लाई यौन प्रस्ताव राख्दै गोप्य अंगको फोटो पठाउन अनुरोध गरेको अडियोमा सुन्न सकिन्छ ।
स्रोतका अनुसार उनले स्थानीय शाही थरकै १७ वर्षकी सिता (नाम परिवर्तन) भतिजीलाई अनैतिक प्रस्ताव राखेका हुन् । अडियोमा शाहीले पढाई खर्च दिने तथा ती वालिकालाई इन्ट्रान्स परिक्षामा नाम निकाल्न सहयोग गर्ने त्यस वापत शारीरीक सम्पर्क गर्न दिनुपर्ने प्रस्ताव राखेका छन् ।जुम्लामा दुई पटकसम्म स्थानीय तहको अध्यक्षको टिकट पाएर पनि पराजित भएका शाही पटकपटक यस्ता कुराहरुमा विवादित बन्दै आएको स्थानीय नेताहरु बताउँछन् । तर, उनी राजनीतिकै आडमा बच्दै आएका थिए । शाही जुम्लामा नै रहेको कालिका टेक्निकल स्कूल अफ अग्रिकल्चर साइन्सका अध्यक्ष समेत हुन् ।
यस बिषयमा बुझ्न शाहीलाई पटकपटक फोन गर्दा उनी सम्पर्कमा आउन चाहेनन् ।
वालिका परिवारको साथमा प्रहरीमा उजुरी दिन जाने तयारीमा रहेका छन् ।
अडियो सुन्नुहोस
