सागर सुबेदी , भदौ १९
गोदावरी नगरपालिका ३ बडेेगाउमा नेपालकै नमुना मामाघर अनाथ आश्रम ,वृहत आध्यात्मिक केन्द्र ,प्राकृतिक चिकित्सालय,योग तथा ध्यान केन्द्र ,अन्न क्षेत्र , धर्मशाला,सत्सङ्ग भवन,पुस्ताकालय,खेल मैदान,सन्त निवास,प्रवचन हल,गौशाला आदि निमार्ण तथा निशुल्क एम्बुलेन्स सन्चालनका लागि आर्थिक सहयोग जुटाउनका लागि महायज्ञ गर्न थालिएको मामाघर अनाथालय आश्रमका संस्थापक एंवम कथा वाचक वालयोगेश्वर विजय मुर्ती महाराजले बताए । जसको मुल संरक्षकमा वडा नं ३ का वडाध्यक्ष तथा नेपाली फिल्म चपली हाइट का नायक राज घिमिरे रहेका छन ।
भाद्र २० गते देखि ३० गते सम्म बाडेगाउँमा सन्चालन हुने महायज्ञमा सम्पूर्ण ललितपुरवासी तथा श्रद्धालु भक्तजनहरुको सहभागिता रहने आयोजकले अपेक्षा गरेको छ ।
महायज्ञलाई सफल पार्न विभिन्न समिति, उपसमिति गठन भएका छन भने स्थानीय बासिन्दा अहोरात्र खटिएका छन् । गोदावरी नगरपालिका एंवम ललितपुरवासीलाई महायज्ञ पुर्व विभिन्न कार्यक्रम गरेर दानविर र भक्तजनलाई आमन्त्रण गरिएको छ । महायज्ञ शुरु हुनु अघि मोटर साइकल र्यालीको आयोजना र शोभा यात्राको आयोजना गरिएको आयोजकले बताएका छन् । यस महायज्ञको कथाबाचन गरिमा उपाध्याय र उमा महेश्वरीले गर्न छन ।
