अपडेट
न्याय कटारीमा भएको जिप दुर्घटनामा दुईको मृत्यु ज्ञानज्योति मा नमुना संसद अभ्यास प्रतियोगिता घोराही सिमेन्ट उद्योगभित्र टिप्परको ठक्करबाट चालकको मृत्यु पश्चिम दाङमा एकैपटक पाँच पुलको टेन्डर अन्तराष्ट्रिय कुस्ती प्रतियोगितामा लोकप्रिय गायिका साहिमा श्रेष्ठको प्रस्तुति रहने दोस्रो अन्तर्राष्ट्रिय कुस्ती प्रतियोगिता २०८० सुरु दोस्रो अन्तर्राष्ट्रिय कुस्ती प्रतियोगिता २०८० सुरु शिखा बोर्डिङले मनायो २७ औँ वार्षिकोत्सव मगर संस्कृति जोगाउन आबश्यक छ ः मन्त्री मास्की आज फागुन १५ गते मङ्गलबार को राशिफल हेर्नुहोस मगर संघ स्थापना दिवसमा प्युठानका ४ स्थानीय तहमा बिदा शैक्षिक सुधार तथा गुणस्तर अभिवृद्धिका लागि शिक्षण सिकाई प्रविधि र सीपलाई विकास गर्दै लैजानु पर्छ : अर्थमन्त्री मास्की अजम्बरी कृषि सहकारी संस्थाको ११ औं वार्षिक साधारण सभा सम्पन्न पूर्व बेलायती सैनिक हरि बुढा मगरलाई बुढालाई दाङमा नागरिक अभिनन्दन घोराही-तुलसीपुर सडकमा आजदेखि यात्रामा ७० मिनेट समय लाग्ने विद्यार्थीलाई अहिलेको यो विश्व बजारमा बिक्न सक्ने शिक्षाको आवश्यकता छ : के.वि वली दलहरुले भन्छन : गुठी पिडित मोहि किसानको न्यायका लागि एकमत छौं  नेपाल रेडक्रस सोसाइटी पवननगर उपशाखाको १६ औं वार्षिक साधारण सभा सम्पन्न रुसी सेनामा भर्ना भएका रोल्पाका एक युवक मारिए

सहकारी ठगी प्रकरण मौलाउँदै : जनसेवा सहकारी मा डेढ करोड हिनामिना, सदस्य को बिचल्ली

दाङको एक सहकारीले डेढ करोड रुपैयाँ हिनामिना गरेपछि सेवाग्राही समस्यामा परेका छन् । मूख्य कार्यालय घोराहीमा रहेको जनसेवा बहुद्देश्यीय सहकारी संस्थाले झण्डै डेढ करोड रकम हिनामिना गरेपछि शेयर सदस्यको बिचल्ली भएको छ ।

सहकारीले सेवा केन्द्रको रुपमा तुलसीपुर र लमहीमा क्षेत्रमा पनि काम गर्दै आएको थियो । करिब २३ बर्षअघि देखि दाङका विभिन्न स्थानमा काम गर्दै आएको सहकारीमा झण्डै दश महिनायता कारोबार बन्द छ ।

तुलसीपुरका व्यापारी ध्रुवराज पाण्डेले सहकारीमा आफुले बचत गरेको २ लाख बढि रकम फसेको बताउनुभयो । झण्डै पाँच बर्षदेखि दैनिक ५०/६० रुपैयाँ जम्मा गरेर धेरै रकम जम्मा भएको बेला सहकारी बेखबर हुँदा आफु जस्ता थुप्रै सेवाग्राही समस्यामा परेको उहाँको भनाइ छ ।

यसैगरी तुलसीपुरका देबेन्द्र कालाथोकीको पनि यहि सहकारीमा १० हजार ५ सय रुपैयाँ फसेको छ । उहाँजस्तै तुलसीपुर क्षेत्रका मात्रै झण्डै दुई सय जना व्यापारीको रकम यो सहकारीमा फसेपछि तुलसीपुर उद्योग बाणिज्य संघले चासो देखाएको छ ।

धेरै व्यापारीको पैसा सहकारीमा फसेपछि बाणिज्य संघले मुद्दा दर्ता गर्नको लागि जिल्ला प्रहरी कार्यालय घोराही पुगेको थियो । तर मुद्दा दर्ता नभएपछि अहिले जिल्ला सहकारी संघ दाङ मार्फत समस्या समाधानका लागि प्रक्रिया अघि बढेको उद्योग वाणिज्य संघका अध्यक्ष रामप्रसाद चालिसेले जानकारी दिनुभयो ।

उहाँले ऋण लगेका व्यापारीलाई सहकारीमा पैसा बुझाउन आग्रह गर्नु भएको छ । ऋण लगेकाले तिर्न नखोज्ने र बचत गरेका सदस्यले आफ्नो पैसा खोज्न थालेपछि अहिले सहकारीमा पैसा नभएकाले संस्था बन्द भएको हुन सक्ने बताउनुभयो ।

सहकारी संस्थाका सञ्चालकले मनोमानी रुपमा बिना प्रमाण आफ्ना आफन्तीलाई ऋण लगानी गर्दा यति ठुलो मात्रामा रकम हिनामिना भएको जिल्ला सहकारी संघ दाङका अध्यक्ष हेमराज गौतमले बताउनुभयो ।

सहकारीको गतिविधि हेर्दा नियममा नचलेको, मनोमानी रुपमा ऋण लगानी गरेको, आफ्ना आफन्तीलाई बिना प्रमाण पैसा दिएर रकम हिनामिना गरेको अध्यक्ष गौतमले बताउनुभयो ।

अहिले सहकारीको समस्या समाधान गर्नका लागि उपाध्यक्ष माधव खनालको संयोजकत्वमा मेलमिलाप समिति गठन गरिएको छ । गठन भएको समितिसंग घोराही, तुलसीपुर र लमहीको टिम बसेर दुई पटक बर्ता गरिसकेको उहाँले बताउनुभयो ।

अध्यक्ष गौतमले लगानी गरेको सबै पैसा उठाउन र पैसा फसेका सदस्यलाई जतिसक्दो छिटो फिर्ता गर्न ताकेता गरेको बताउनुभयो । सञ्चालक समितिको कमजोरी रहेको भन्दै उहाँले जिल्ला सहकारीले छलफल गरिरहेको र सकेसम्म छिटो नै समस्या समाधान गर्ने तर्फ लागेको बताउनुभयो ।

संहकारी संघसंग कारबाही गर्ने अधिकार नभएको भन्दै समन्वयको काम गरेको उहाँको भनाइ छ । गल्ती गरेकाले सजाय पाउनुपर्ने र बचकर्ताको पैसा फिर्ताको लागि पहल गरिरहेकोे बताउनुभयो ।

त्यसक्रममा तुलसीपुरका शाखा प्रमुख अर्जुन भट्टराई, घोराहीका प्रमुख प्रकाश श्रेष्ठ र लमहीका प्रमुखले पैसा तिर्ने सहमती गरेको अध्यक्ष गौतमको भनाइ छ । यस्ता सहकारीले गर्दा राम्रा सहकारीमा पनि चुनौति थपिएको उहाँले बताउनुभयो ।

अब शेयर सदस्य सचेत बन्नुपर्ने समय आएको उहाँको भनाई छ । जुन कुनै संस्थामा आबद्ध हुँदा त्यहाँको नियम, कानुन बुझेर, संस्था कस्ले र कस्ता ब्यक्तिले चलाएका छन? त्यसका सञ्चालक कस्ता छन् र करोबार कस्तो छ भनेर बुझेर मात्र सदस्य बन्न अध्यक्ष गौतमले आग्रह गर्नु भएको छ रेडियो हाम्रो पहुँच  ले समाचार लेखेको छ ।

Leave a Reply

Your email address will not be published. Required fields are marked *