किस्मत खतिवडा, बिराटनगर | साउन २०
काठमाडौमा केन्द्रिय कार्यालय रहेको नोबेल साकोस साहित्य संस्था बिराटनगर शाखाको मासिक कार्यक्रम २०८०/०४/२० गते बिराटनगरको लेखनाथ सभाकक्षमा साहित्यिक गोष्ठी सहित रचना वाचन गरेर सम्पन्न भएको छ।
प्रत्येक महिनाको तेस्रो शनिबार आयोजित हुने साकोस साहित्य संस्था बिराटनगर शाखाको यो कार्यक्रम नियमित कार्यक्रम हो। श्रावण २० गते सम्पन्न साहित्यिक कार्यक्रमको सभापतित्व संचालक सदस्य मन्जु घिमिरे दाहालले गर्नु भएको थियो।संस्थाका सह सचिब सुजता राईले सन्चालन गर्नु भएको उक्त कार्यक्रममा मुक्तक प्रतिष्ठान कोशी प्रदेशका अध्यक्ष तथा नोबेल साकोस साहित्य संस्थाका सल्लाहाकार बाबुराम पोखरेल प्रमुख अतिथि रहनु भएको थियो।
वरिष्ठ साहित्कार/साहित्यकारहरु हरिप्रसाद बराल , भवानी प्रसाद पोखरेल, गोपाल निर्भिक ,भुपाल अधिकारी, ऋषि तिवारी, कविता केशरी, शान्ता भट्टराई मनि रिजाल ,किस्मत खतिवडा, समाजसेवी तथा संस्थाका आर्थिक सल्लाहकार
सीता लामिछाने लगायतको उपस्थितिमा साहित्यिक अन्तरक्रिया हुनुको साथै उपस्थित सर्जकहरुले आफ्ना आफ्ना रचना पनि वाचन गर्नुभएको थियो।
नव प्रतिभाहरुलाई प्रेरित गर्न मन्च उपलब्ध गराउदै आएको नोबेल साकोस साहित्यिक संस्थाको उक्त कार्यक्रममा साना नानीहरु आकृति राई र आज्ञा राईले आ- आफ्नो प्रस्तुति देखाएका थिए। प्रतिभावान नानीहरुलाई कार्यक्रममा सभापति मन्जु घिमिरे दाहालले अझ प्रेरणा मिलोस भन्दै उपाहार पनि प्रदान गर्नुभएको थियो। सो कार्यक्रममा उपस्थित सर्जकहरु र उपस्थित अतिथि पाहुनाहरुलाई स्वागत /सम्मान संस्थाका सदस्य किस्मत खतिवडाले मन्तव्य बाट गर्नु भएको थियो भने सभापति मन्जु घिमिरेले संस्थाको उदेश्य र कार्यक्रमको बारेमा मन्तव्य राख्नु हुँदै कार्यक्रममा उपस्थित भएर साथ सहयोग र उर्जा प्रदान गर्ने सबैलाई आभारका साथ हार्दिक धन्यवाद व्यक्त गरेर कार्यक्रम समापन भएको घोषणा गर्नु भएको थियो।
