तुलसीपुर, साउन १७
दाङको तुलसीपुर का युवाहरुले आज साउन १७ गते बुधबार तुलसीपुर को बि पि चोकमा बलात्कार बिरुद्ध प्रदर्शन गरेका छन । प्रदर्शन मा तुलसीपुर का समाजसेवामा सक्रिय युवाहरु लगायत आम सर्वसाधारण को आशा लाग्दो सहभागिता रहेको थियो । बलत्कारको घटना दिन प्रतिदिन बढिरहेको र सम्बन्धीत निकाय को ध्यान नपुगेको भन्दै आज तुल्सीपुर का युवा मिली खबरधारी कार्यक्रम गरेका हुन ।
कार्यक्रम मा अभिषेक दाहाल , हेमन्त प्रकाश वली , के बि वली , सन्दिप गौतम , गणेश भण्डारी, निम बहादुर बुढाथोकी, खेमराज सेन्चुरी, झरना के सी, रन्जना कामी लगायतले बोल्नुभएको थियो भने कार्यक्रमको सन्चालन तथा सहजिकरण पत्रकार सागर सुबेदी ले गर्नु भएको थियो । कार्यक्रममा बोल्ने वक्ताहरुले आज शान्तिपूर्ण तरिकाले ध्यानाकर्षण गराइएको र सम्बन्धित निकाय ले समयमा चासो नदेखाएमा वा ध्यानाकर्षण नभएको पाइएमा युवा शक्ति जुनसुकै कदम चाल्न पनि पछि नहट्ने र त्यसबाट हुने सम्पूर्ण असर को जिम्मेवार सम्बन्धित निकाय नै हुनुपर्ने मा जोड दिएका थिए ।
पछिल्लो समयमा दाङको तुलसीपुर बलात्कार घटना दिन प्रतिदिन बाहिरिरहेका छन । पछिल्लो एक महिनामा मात्रै ५ वटा बलात्कार घटना घटेपछि तुलसीपुरका युवाहरुले ध्यानाकर्षण गराएका हुन ।
