अपडेट
न्याय कटारीमा भएको जिप दुर्घटनामा दुईको मृत्यु ज्ञानज्योति मा नमुना संसद अभ्यास प्रतियोगिता घोराही सिमेन्ट उद्योगभित्र टिप्परको ठक्करबाट चालकको मृत्यु पश्चिम दाङमा एकैपटक पाँच पुलको टेन्डर अन्तराष्ट्रिय कुस्ती प्रतियोगितामा लोकप्रिय गायिका साहिमा श्रेष्ठको प्रस्तुति रहने दोस्रो अन्तर्राष्ट्रिय कुस्ती प्रतियोगिता २०८० सुरु दोस्रो अन्तर्राष्ट्रिय कुस्ती प्रतियोगिता २०८० सुरु शिखा बोर्डिङले मनायो २७ औँ वार्षिकोत्सव मगर संस्कृति जोगाउन आबश्यक छ ः मन्त्री मास्की आज फागुन १५ गते मङ्गलबार को राशिफल हेर्नुहोस मगर संघ स्थापना दिवसमा प्युठानका ४ स्थानीय तहमा बिदा शैक्षिक सुधार तथा गुणस्तर अभिवृद्धिका लागि शिक्षण सिकाई प्रविधि र सीपलाई विकास गर्दै लैजानु पर्छ : अर्थमन्त्री मास्की अजम्बरी कृषि सहकारी संस्थाको ११ औं वार्षिक साधारण सभा सम्पन्न पूर्व बेलायती सैनिक हरि बुढा मगरलाई बुढालाई दाङमा नागरिक अभिनन्दन घोराही-तुलसीपुर सडकमा आजदेखि यात्रामा ७० मिनेट समय लाग्ने विद्यार्थीलाई अहिलेको यो विश्व बजारमा बिक्न सक्ने शिक्षाको आवश्यकता छ : के.वि वली दलहरुले भन्छन : गुठी पिडित मोहि किसानको न्यायका लागि एकमत छौं  नेपाल रेडक्रस सोसाइटी पवननगर उपशाखाको १६ औं वार्षिक साधारण सभा सम्पन्न रुसी सेनामा भर्ना भएका रोल्पाका एक युवक मारिए

पहिचान, पहुँच र प्रतिनिधित्वको लागि थाकस चितवनले निरन्तर संघर्ष गर्ने

कारी महतो, चितवन पुस ११ । थारु कल्याणकारिणी सभा (थाकस) चितवन जिल्ला कार्यसमितिको आयोजनामा राष्ट्रिय राजनैतिक परिस्थिति र थारुहरुको सरोकार विषयमा अन्तरक्रिया कार्यक्रम सम्पन्न भएको छ । कार्यक्रमबाट पहिचान, पहँुच र प्रतिनिधित्वको लागि थाकस चितवनका थारु समुदायले निरन्तर संघर्ष गरिरहने निचोड निकालिएको छ ।

थरुहट पहिचानको आन्दोलनमा षडयन्त्रपूर्वक घटाईएको टिकापुर घटनाका राजबन्दीहरुका रिहाईका लागि संघर्ष गर्ने एवं सरकारले ल्याएको अध्यादेशको पक्षमा संघर्ष गर्ने, राज्यको हरेक अंगमा समानुपातिक पहुँचको लागि थाकस केन्द्रीय समितिले अगाडि बढाएको न्यायिक आन्दोलनका लागि नैतिक आर्थिक तथा भौतिक रुपमा साथ दिने र प्रतिनिधि तथा प्रदेश सभामा चितवनको थारु समुदायको प्रतिनिधित्व नभएकोले समानुपातिक प्रतिनिधित्वको सूत्र परिवर्तन गराउन संघर्ष गर्ने थाकस चितवनका सभापति ललित कुमार चौधरीले जानकारी गराए ।

कार्यक्रमका प्र्रमुख अतिथिका रुपमा आमन्त्रित थारु आयोगका अध्यक्ष विष्णु प्रसाद चौधरीले समावेशीताको विषयमा संविधानले केहि कुरा सच्याईसकेको भएपनि कानूनले अझै अल्झाईरहेको बताए । थारु समुदायको संयुक्त आन्दोलनको क्रममा भएको टिकापुर घटना राजनैतिक विषय भएकोले यसलाई राजनैतिक रुपमा समाधान गर्नुपर्ने भनेर थारु आयोगले प्रतिवेदनमा सिफारिस गरिएको आयोगका अध्यक्ष चौधरीले बताए ।

वागमती प्रदेशका पूर्व साँसद रामलाल महतोले थारुहरुको आन्दोलन दबाउनका लागि टिकापुर घटना सुनियोजित ढंगले घटाइएको बताए । यो राजनैतिक मुद्दा भएकोले राजनैतिक रुपमा फसाएका आन्दोलनकारीहरुको रिहाईका लागि सरकारले ल्याएको अध्यादेश राष्ट्रपतिले पास गर्नुपर्ने बताए । जातीय जनसंख्याको अनुपातमा जनताको प्रतिनिधित्व नभएकोलले त्यसका लागि हामीले फेरि संघर्ष गर्नुपर्ने पूर्व साँसद महतोले बताएका छन् ।

कार्यक्रममा डा. संजय कुमार महतोले थारुहरुको राजनैतिक अवस्था र अबको बाटो, थारु मानक भाषा मस्यौदा समितिका संयोजक कुछत नारायण चौधरीले थारुहरुको न्यायिक आन्दोलन बारे र अधिवक्ता सरिता तिवारीले थारुहरु सम्बन्धि प्रकाशनमा आएका विषयवस्तु बारे अवधारणा पत्र प्रस्तुत गरेका थिए । अधिवक्ता श्रवण कुमार चौधरीले संविधानको प्रस्तावना र विभिन्न धाराहरु बारे प्रस्ट पारेका थिए ।

कार्यक्रममा माडी नगरपालिकाका उपप्रमुख खेम चौधरी, थाकसका केन्द्रीय सदस्य राजेन्द्र प्रसाद चौधरी, आदिवासी जनजाति महासंघ चितवनका पूर्व अध्यक्ष पदम गुरुङ, सचिव रामबहादुर भुजेल, विश्राम महतो, जोखा चौधरी, सत्यनारायण चौधरी, भजुमनराम महतो, कृष्णलाल चौधरी, रामेश्वर चौधरी, सुरेश चौधरी, लगायतले अवधारणा पत्र बारे टिप्पणी गरेका थिए । कार्यक्रम थाकस चितवनका सभापति ललित कुमार चौधरीको अध्यक्षतामा सम्पन्न भएको थियो ।

Leave a Reply

Your email address will not be published. Required fields are marked *