अपडेट
हेर्नुस् आज जेठ १४ गते सोमबारको राशिफल हेर्नुस् आज जेठ १३ गते आइतबारको राशिफल लुम्बिनी प्रदेश स्तरीय युवा स्वैच्छिक राष्ट्रिय समिक्षा कार्यक्रम सम्पन्न जातिय बिभेद तथा छुवाछुत सम्बन्धि दुइदिने कानुनी साक्षरता हिमाल एकेडेमी ले मनायो ८ औँ राष्ट्रिय भलिबल दिवस  आज जेठ ८ गते मङ्गलबार को राशिफल हेर्नुहोस प्रेस सेन्टरले पत्रकार महासंघ दाङमा सर्वसम्मत नेतृत्व चयनका लागि पहल गर्ने आज जेठ ७ गते सोमबार को राशिफल हेर्नुहोस सञ्चारकर्मी आस्था के सी ले सार्वजनिक गरिन “जनयुद्धका चिठी” कर्णाली प्रदेश स्तरीय युवा स्वैच्छिक राष्ट्रिय समिक्षा कार्यक्रम सम्पन्न मोहनी एकादशीको महत्त्व ? लागुपदार्थ दुर्व्यसन न्यूनिकरणबारे वक्तृत्वकला प्रतियोगिता तुलसीपुरको बेल्झुन्डिमा बस दुर्घटना हुदा १५ जना घाइते राजपुरमा आगलागी पिडितको घर बनाउन खटिए नेकपा का कार्यकर्ता सन्दिप लामिछाने निर्दोष साबित: अब विश्वकप खेल्ने एकै आर्थिक बर्षमा तिन वटा शवदाह गृह निर्माण हेर्नुस् आज जेठ २ गतेको राशिफल राप्ती बबई क्याम्पसमा तालाः गार्ड हटाउन नपाउने बिद्यार्थीको माग हेर्नुस् आज जेठ १‌ गतेको राशिफल नेपालीले धानेको भारतको बजार

खिचरा महोत्सवको तयारी तीब्र, २५ जिल्लाका थारु खानाका परिकार पाईने

सञ्जय चौधरी, चितवन, पुस, ५ । खिचरा महोत्सवको ८ औँ संस्करणको तयारी तीव्र पारिएको छ । थारू कल्याणकारिणी सभा क्षेत्र नं ७ चितवनको आयोजनामा माघ १ गते थारु समुदायको नयाँ वर्ष सुरु हुन्छ, नयाँ वर्षको अवसर पारेर महोत्सव गर्ने गरेको छ ।

हरेक वर्ष हुँदै आएको महोत्सव यही पुस २८ देखि माघ ४ गते सम्म पूर्वी चितवनको खैरहनी नगरपालिका ५ गौचरन (जबकौली, दुर्गामन्दिर) परिसरमा हुँदैछ ।

“राष्ट्रिय एकता र विविधता हाम्रो शान बहुजाति भाषा, संस्कृति नेपालको पहिचान” भन्ने मूल नाराका साथ थारुको पहिचान र संस्कृति जोगाउन हरेक वर्ष हुने खिचरा महोत्सव यस पटक ८ औं संस्करण हो ।

महोत्सवलाई सफल बनाउन मुल आयोजक समिति र उपसमिति बनाइएको छ । महोत्सवस्थलमा अहिले जमिन सम्याउने तथा स्टल निर्माणको काम भइरहेको महोत्सवका संस्थापक एंव प्रवक्ता नारायण महतोले जानकारी दिए ।

विगतका महोत्सवभन्दा यस महोत्सव पृथक बनाइने भन्दै महतोले महोत्सवमा करिब २ सय भन्दा धेरै स्टल रहने जानकारी दिए । महोत्सव परिसर भित्रै थारु खानाका परिकार घोङ्घी, चिचर, माछा लगाएत अन्य फुड फेष्टिबल हुनेछ ।

महोत्सवमा स्थानीय उत्पादनलाई प्राथमिकता दिइने उल्लेख गर्दै अध्यक्ष महतोेले कृषि उत्पादनलाई प्रवद्र्धन गरिने बताए । यस पटकको महोत्सवमा २५ जिल्लाका थारु खानाका परिकार र तिनै जिल्लाका थारु संस्कृतिलाई प्रस्तुत गरिने उनले बताए ।

उनले भने, ‘नेपालमा २५ जिल्लामा थारु जातिको बसोवास रहेको पाइन्छ, तर ती सबै जिल्लामा फरक–फरक तरिकाले चाडपर्व मनाउने र चाडपर्वको नाम पनि ठाउँअनुसार फरक–फरक हुने भएकोले देशैभरका थारुको खानाका परिकार र संस्कृतिलाई एकै ठाउँबाट देखाउने जमर्को गरेका हौं ।’

महोत्सवमा थारूका पहिचान झल्कने भेष भुषा सहित विभिन्न संस्कृतिक पहिचान एवम् परम्परागत सामाग्रीहरु प्रदर्शन गरिने मूल समितिका संयोजक कृष्णलाल चौधरीले जानकारी दिए । महोत्सवमा थारु समुदायको ब्रहमथान, परेवाको घर, परम्परागत सामाग्रीहरु सहितको थारु मिनीगाउँ परिसर, घोङी र पोकाको शिलामुर्ती प्रदशर्नी स्थलमा रहने छ । घोङी र पोकाको बिशालमुर्ती सबैको आकर्षणको केन्द्र बन्नेछ ।

महोत्सवमा थारुलगायत अन्य समुदायको परम्परागत वेशभूषासहितको संस्कृति प्रर्दशन, थारु खानाका विशेष परिकारको स्टल, हस्तकलाका सामग्रीका स्टल, खुल्ला हाजिरी जवाफ प्रतियोगिता हुने र व्यवसायिक स्टल रहनुका साथै तराईका विभिन्न जिल्लाका थारु विषेश सांस्कृतिक प्रस्तुति रहने छन् ।

महोत्सवमा बाल उद्यानलगायत मनोरञ्जनात्मक खेलहरु र राष्ट्रिय तथा स्थानीय स्तरका ख्यातिप्राप्त कलाकारहरुको पनि प्रस्तुति रहने सांस्कृतिक कार्यक्रम व्यवस्थापन समितिका संयोजक जयश चौधरीले जानाकारी दिए ।

महोत्सव अवलोकनका लागि ५० रूपैयाँ टिकट शुल्क लाग्ने छ भने विद्यार्थीहरुका लागि (परिचय पत्रका आधारमा) रु ३० कायम गरिएको जनाइएको छ । २०७० सालदेखि प्रत्यक वर्ष महोत्सव आयोजना हुँदै आएको छ ।

Leave a Reply

Your email address will not be published. Required fields are marked *